Qostanaı oblysynda dıirmen keshenine naızaǵaı tústi

QOSTANAI. QazAqparat – Qostanaı oblysynda dıirmen keshenine naızaǵaı túsip, eki astyq qoımasy qulady, dep habarlaıdy QazAqparat Tótenshe jaǵdaılar mınıstrliginiń Ónerkásiptik qaýipsizdik komıtetine silteme jasap.

«1 tamyzda saǵat 21:50 shamasynda «Kompanııa SALAMAT» JShS dıirmen kesheniniń aýmaǵynda qurylystar qulaǵan (2 astyq qoımasy). Aldyn ala aqparattarǵa sáıkes bul nysandarǵa naızaǵaı tıgen. Jaǵdaı avarııa retinde tirkeldi. Zardap shekkender joq», - delingen habarlamada.

Oqıǵa ornynda Tótenshe jaǵdaılar mınıstrligi Ónerkásiptik qaýipsizdik komıtetiniń Qostanaı oblysy boıynsha departamentiniń qyzmetkerleri jumys isteıdi. Barlyq qatysy bar adamdar anyqtalǵannan keıin departament avarııany tergeý jónindegi komıssııa qurady.

Tergeý nátıjeleri qosymsha habarlanady.