Qostanaı oblysynda demalysta úsh adam sýǵa batyp ketti

QOSTANAI. QazAqparat – Qostanaı oblysynda merekelik demalystaǵy oqıǵa týraly óńirlik Tótenshe jaǵdaılar departamentiniń baspasóz qyzmetinen málim etti, dep habarlaıdy QazAqparat tilshisi.

«Turǵyndar arasynda júrgizilgen túsindirý sharalaryna qaramastan, keıbir azamattar keńeske qulaq aspaıdy. Tek 6-8 shildedegi merekelik demalysta úsh adamnyń sýǵa aǵý faktisi tirkeldi», - dep habarlady vedomstvodan.

6 shilde kúni keshkisin B. Maılın aýdany «Parallel» týrbazasynda, Qaratomar sý qoımasynda ishimdik iship, shomylyp júrgen 1968 jylǵy er adam sýǵa batyp ketti.

«Taǵy bir qaıǵyly oqıǵa osy aýdanda 7 shilde kúni tústen keıin bolǵan. «Altyn balyq» demalys bazasynda Aııat ózeninde 1987 jylǵy er adam shomylýǵa arnalǵan jerde shomylyp júrip, shekteý belgileri qoıylǵan jerden asyp ketip, sýǵa aqty», - dedi TJD-dan.

8 shildede Tobyl qalasynan eki shaqyrym jerde, Tobyl ózeninde shomylýǵa tyıym salynǵan jerde 2000 jylǵy azamat sýǵa batyp ketti. Jas jigit dostarymen Gagarın bógetinde demalyp júrgen.

Qutqarýshylar osy aptap ystyq kúnderde oblys turǵyndaryn sý aıdyndaryndaǵy qaýipsizdik erejelerin saqtaýǵa, balalardy qaraýsyz qaldyrmaýǵa jáne balalardy óz betinshe shomylýǵa jibermeýge shaqyrady.

Janna Musabek