Qostanaı oblysynda dárigerler jetkiliksiz
QOSTANAI. QazAqparat - Qostanaı oblysy aýrýhanalarynda dárigerler tapshylyǵy men ozyq qondyrǵylardyń jetispeýi baıqalady. Bul týraly oblys ákimi Arhımed Muhambetovtiń qatysýymen ótken keńeıtilgen jıynda málim boldy, dep habarlaıdy QazAqparat.
Qazirgi ýaqytta oblysta medıtsına salasy boıynsha 318 bos oryn bar. Ásirese, akýsher-gınekolog, pedıatrlar, neonatolog, reanımatolog jáne anestezıolog mamandar jetispeıdi.
Oblys qalalary men aýdandarynda ótken bos oryndar jármeńkesinde 128 jas mamanmen kelisim-shart jasaldy.
«Óńir dárigerleriniń 35%-y - zeınet jasyndaǵylar. Dárigerlerdiń orta jasy - 45-50. Sondyqtan aımaqqa aq halattylardy tartý máselesine den qoıdyq», - dedi densaýlyq saqtaý basqarmasy basshysy Erkin Dútbaev.
Baıandamashynyń málimetine sensek, jyl aıaǵyna deıin 170 jas maman keledi, al 2018 jyly taǵy 150 maman qosylady.
Arhımed Muhambetov ana men bala ólimi boıynsha aımaqtaǵy ahýaldy qatań qadaǵalaýǵa alý kerektigin qatań tapsyrdy. Aýrýhanalar men emhanalardy sońǵy úlgidegi ozyq tehnologııalarmen jabdyqtaý úshin oblys bıýdjetinen 2018 jyly 200 mln. teńge baǵyttalmaq.
