Qostanaı oblysynda dárigerler aıý tistep alǵan qyzdyń jaǵdaıy týraly aıtty

QOSTANAI. QazAqparat – Qostanaı oblystyq densaýlyq saqtaý basqarmasynyń baspasóz qyzmeti aıý tistep alǵan qyzdyń jasandy es-tússiz jatqanyn aıtty, dep habarlaıdy QazAqparat tilshisi.

Vedomstvonyń málimetinshe, keńeıtilgen konsılıým ótkizilgen.

«Konsılıým qan tamyrlary hırýrgtarynyń qatysýymen jáne QR Densaýlyq saqtaý mınıstrliginiń shtattan tys bas travmatology Bolat Naǵımanovpen beınebaılanys arqyly ótkizildi. Ári qaraı emdeý taktıkasy talqylandy. Qyz ókpeni jasandy jeldetý apparatyna qosyldy, jasandy komada reanımatsııada jatyr»,- dep habarlady basqarma. Eske sala keteıik, Qostanaı aýdanynda demalys ornynda 5 jasar qyzdy aıý tistep alǵan bolatyn. Keıinirek qyzǵa ota jasalǵany, jaǵdaıy óte aýyr ekeni belgili boldy.
Avtory Janna Musabaeva