Qostanaı oblysynda dán tazartqysh keshen janyp ketti
QOSTANAI. QazAqparat - Qostanaı aýdany Maıkól aýylynda jaraqtandyrylǵan qyrman qurylymy janyp ketti, dep habarlaıdy QazAqparat tilshisi oblystyq TJD baspasóz qyzmetine silteme jasap.
Tótenshe jaǵdaı búgin tańǵy saǵat 3.12-de bolǵan.
«Jeke kásiporyndardyń biriniń aýmaǵynda 70 sharshy metr jaraqtandyrylǵan qyrman (daqyldardy jýyp, keptiretin oryn) janyp ketti. Órt 04:30-da aýyzdyqtalyp, 05:12-de sóndirildi», - dep habarlady departamentte.
Eshkim zardap shekken joq. Órttiń shyǵý sebebi anyqtalyp jatyr.
