Qostanaı oblysynda dalada adasyp ketken qarııa tabyldy
QOSTANAI. QazAqparat - Arqalyq qalasyna qarasty Ashýtasty aýylynyń 88 jastaǵy turǵyny úıinen 2 shaqyrym qashyqtyqta adasyp, úsip kete jazdady, dep habarlaıdy QazAqparat Soltústik óńirlik aeroutqyr jedel-qutqarý jasaǵy basshysynyń orynbasary Sergeı Shmıdtke silteme jasap.
20 qańtar kúni túnde qutqarýshylarǵa Arqalyq qalasynan 35 shaqyrym jerde 88 jastaǵy zeınetkerdiń joǵalǵany týraly aqparat kelip túsedi.
«19 qańtarda saǵat 23:20 shamasynda zeınetker tanysynyń úıinen shyǵyp, Mıchýrın kóshesindegi óz úıine baǵyt alǵan. Alaıda, ol jolda adasyp ketken. Habar alǵan qutqarýshylar toby ÝAZ jáne jol talǵamaıtyn Marsh-Bronto kóligimen zeınetkerdi izdeýge shyǵady. Eki saǵattan soń ol Ashýtasty aýylynan 2 shaqyrym jerde tabylǵan. Zeınetker tizesine deıin qarǵa batyp, ózdiginen qozǵala almaı turdy», - dep habarlady Shmıdt.
Úsik shalǵan zeınetker Arqalyq qalasynyń aýrýhanasyna jetkizildi.
