Qostanaı oblysynda tsıfrlyq aktıvtermen tyıym salynǵan qyzmetti júzege asyrý faktisi anyqtaldy

ASTANA. QazAqparat - Qostanaı oblysynda «KZobmen.com», «KZobmen Ltd» krıpto aıyrbastaý pýnktteri arqyly tsıfrlyq aktıvtermen tyıym salynǵan kásipkerlik qyzmetti júzege asyrýdyń taǵy bir faktisiniń joly kesildi, dep habarlaıdy Qarjy monıtorıngi agenttiginiń baspasóz qyzmeti.

Reseı Federatsııasynyń azamaty 2020 jyldyń shildesi men 2023 jyldyń qańtary aralyǵynda zańsyz áreketteriniń nátıjesinde asa iri kólemde 180 mıllıon teńgeden astam soma tabys tapqany anyqtaldy.

Sot úkimderi boıynsha kúdiktiniń 85 mıllıon teńge kólemindegi jyljymaıtyn múlki, onyń ishinde «Binance» krıpto bırjasynyń platformasynda ornalastyrylǵan 2 420 AQSh dollary kóleminde tsıfrlyq aktıvteri (krıptovalıýta) tárkilendi.

Quqyq buzýshy bes zańsyz krıptovalıýta aıyrbastaý pýnktine qatysty qylmystyq isti tergeý barysynda anyqtaldy.

Quqyq buzýshy bes zańsyz krıptovalıýta aıyrbastaý pýnktine qatysty qylmystyq isti tergeý barysynda anyqtaldy, is aıasynda krıptovalıýta aıyrbastaý pýnktteri arqyly tsıfrlyq aktıvtermen tyıym salynǵan kásipkerlik qyzmetpen aınalysqan bir top tulǵalardyń qylmystyq áreketteriniń joly kesildi.

Sotqa deıingi tergeý jalǵasýda, basqa da málimetter ashyp kórsetýge jatpaıdy.

QMA kóleńkeli ekonomıkamen kúres jumysyn jalǵastyratyn bolady. Ótken jyldyń ózinde ǵana Agenttik qabyldaǵan sharalar kesheni kóleńkeli ekonomıka deńgeıin 19,7%-ǵa deıin tómendetýge oń áser etti, bul rette boljamdyq mán 21,5%-dy qurady.