Qostanaı oblysynda buzylǵan úıden áıeldiń máıiti tabyldy
QOSTANAI. QazAqparat - Osydan on kún buryn Qamysty aýdanynda áıel adamnyń máıiti tabylǵan, dep habarlaıdy QazAqparat «Alaý» telearnasyna silteme jasap.
Oqıǵa 22 qazanda Qamysty aýdanynyń Arqa aýylynda bolǵan. Bul aqparatty Qostanaı oblystyq prokýratýra rastap otyr.
22 qazan kúni saǵat 12:00-de aýdandyq ishki ister bólimine buzylǵan úıde áıeldiń denesiniń jatqany týraly habar jetken.
«Áıel mehanıkalyq asfıksııaǵa ushyraǵan, bas mıy jáne ókpesine zaqym kelgen. Onyń tunshyqtyrylǵany anyqtaldy. 23 qazanda osy iske baılanysty basty kúdikti 33 jastaǵy aýyl turǵyny ustaldy», - dedi Qostanaı oblystyq prokýratýra basqarmasynyń bastyǵy Qaırat Júsipov.
Qazir sotqa deıingi tergeý sharalary júrgizilýde.
