Qostanaı oblysynda burynǵy túlek aýyl mektebine mıllıon teńge syıǵa tartty

ASTANA. QazAqparat - Qostanaı oblysynda Prırechensk orta mektebiniń túlegi Sáýle Sháýenova ózi bilim alǵan mektebine mıllıon teńge syıǵa tartty, dep habarlady «Aına» gazeti.

Qomaqty soma sertıfıkatyn ol túlekter kezdesýinde óziniń, otbasynyń jáne bıyl 85 jasqa tolǵan ákesiniń atynan tabys etti.

Sáýle Sháýenova - Qazaqstanǵa ǵana  emes, shetelge tanymal jeńil ónerkásip kompanııasy tobynyń negizin qalaýshy jáne bas dırektory.  Mektep ujymy  mundaı kómek aýyl mektebiniń kóptegen problemasyn sheshýge járdemdesetinin atap ótip, oǵan alǵys bildirdi.