Qostanaı oblysynda birneshe páter tonaǵan qylmystyq top ustaldy
QOSTANAI. QazAqparat – Qostanaı qalalyq polıtsııa basqarmasynyń qyzmetkerleri birneshe páterdi tonaǵan qylmystyq topty qolǵa túsirdi, dep habarlaıdy QazAqparat oblystyq polıtsııa departamentiniń baspasóz qyzmetine silteme jasap.
Qylmystyq top jymysqy áreketin 2020 jylǵy 3 aqpanda bastaǵan. «Soltústik» polıtsııa bólimshesine jábirlenýshi habarlasyp, páterinen 30 myń teńgeniń urlanyp ketkenin aıtqan. Osy kúni 4-shaǵynaýdannyń turǵyny úıinen noýtbýktyń qoldy bolǵanyn habarlaıdy.
«4 aqpan kúni qalanyń soltústik bóligindegi páterlerden altyn buıymdar men 300 myń teńge aqsha urlanǵan. Polıtseıler izdeý sharalaryn muqııat júrgizdi. Qylmystyq top páterlerge bir tásilmen enip otyrǵan. ıAǵnı páter qulpyn syndyrý arqyly ishke kirgen. Olar urlanǵan zattary men aqshalaı qarajatty «Mersedes» kóligine saqtaǵan. Polıtseıler «AvtoÝragan» arqyly kóliktiń nómirin anyqtady. Kólik ishinen esik buzatyn quraldar, urlanǵan altyn buıymdar tabyldy», - dedi vedomstvonyń baspasóz hatshysy Irına Bejenar.
Qazir osy derek boıynsha 26-35 jas aralyǵyndaǵy 5 kúdikti ustaldy. Olardyń úsheýi buǵan deıin de sottalǵan.
Tergeý sharalary jalǵasýda.
