Qostanaı oblysynda birneshe márte kólik urlaǵan jigit ustaldy
QOSTANAI. QazAqparat - Rýdnyı polıtsııasy Fedorov AІІB jedel qyzmetkerlerimen yntymaqtastyqta birneshe avtomashınany urlaǵan 21 jastaǵy jigitti ustady, dep habarlaıdy «QazAqparat» HAA tilshisi Qostanaı oblystyq ІІD baspasóz qyzmetine silteme jasap.
«Ol 30 tamyz kúni túnde Rýdnyı qalasynyń Gornıakov kóshesinde «Vaz-2106» avtomashınasyn urlap ketken. Kelesi fakti «50 let Oktıabrıa» kóshesinde 3 qyrkúıekte tirkelgen. Kúdikti bul joly aýlada turǵan «Vaz-2107» mashınasyn qoldy etken. Sondaı-aq ol 5 qyrkúıekte Korchagın kóshesinde taǵy bir «Vaz-2106» kóligin urlaǵan. Tergeý jumystary barysynda polıtsııa qyzmetkerleri nómirsiz úsh kólikti de Fedorovka aýylynan tapty», - deıdi oblystyq ishki ister departamentiniń ókilderi.
Jábirlenýshilerge jetkizilgen zııannyń jalpy somasy mıllıon teńgeden asady, al kúdikti ustalyp, ýaqytsha ustaý oqshaýlaǵyshyna toǵytylǵan. Qazirgi ýaqytta QR QK 188-baby, 2-bóligi boıynsha sotqa deıingi tergeý amaldary júrgizilýde.
