Qostanaı oblysynda birneshe aýyl jaryqsyz otyr
QOSTANAI. QazAqparat – Qostanaı jylý ortalyǵy óńirdegi qatty borannyń áserinen bolǵan aqaýǵa baılanysty turǵyndarǵa habarlama jarııalady, dep habarlaıdy QazAqparat.
«Qurmetti elektr energııasyn tutynýshylar! 7 sáýirde aýa raıy saldarynan Qostanaı oblysynyń júzdegen eldi mekeni elektr jaryǵynsyz qaldy. Olar «Mejregıonenergotranzıt» JShS, «EPK-forfait» JShS jelilerinen ajyrap qaldy. Joǵaryda atalǵan uıymdardyń bilikti qyzmetkerleri keshegi kúnnen bastap óz jelilerinde qalyptasqan apattyq jaǵdaıdy joıý boıynsha jumystardy úzdiksiz júrgizýde» delingen ortalyq habarlamasynda.
Qazirgi ýaqytta birinshi kezekte aýrýhanalar, sý jáne jylý kompanııalary syndy áleýmettik nysandarǵa jaryq júrgizildi. Olarǵa qosalqy stantsııalar arqyly jaryq qosyldy. Bul jumystar qazir de jalǵasýda.
Qostanaı jylý ortalyǵy basshylyǵy turǵyndardan ýaqytsha qolaısyzdyq úshin keshirim suraıdy.
