Qostanaı oblysynda bir top jylqyny urlaǵandar ustaldy
QOSTANAI. QazAqparat - Qostanaılyq tártip saqshylary mal urlyǵy boıynsha birneshe derekterdi ashty, dep habarlaıdy QazAqparat oblystyq polıtsııa departamentiniń baspasóz qyzmetine silteme jasap.
Ótken úsh kún ishinde óńirdegi mal men et ónimderin satatyn 66 oryn, 209 fermerlik sharýashylyq tekserildi. Sonymen qatar, et ónimderin tasymaldap júrgen 88 avtokólikke baqylaýǵa alynan.
«Jedel aldyn alý is-sharasy kezinde 3 mal urlyǵy tirkeldi. Qazirgi ýaqytta janýarlardyń ornalasqan jerin anyqtaý boıynsha jedel-izdestirý is-sharalary júrgizilýde. Máselen, Arqalyq qalasynda sharýa qojalyǵynyń aýmaǵynan jergilikti turǵynnyń jylqysy urlandy. Іs-shara barysynda kúdikti retinde Jezqazǵan qalasynyń turǵyny anyqtaldy. Urlanǵan janýar ıesine qaıtaryldy. Qostanaı aýdanynda bógdeniń aýlasyna kirip, buzaýlaryn urlap ketkender qolǵa tústi. Urylar túlik ıesine 135 myń teńge shyǵyn keltirgen. Tergeý is-áreketteri barysynda Sadchıkovka aýylynyń 35 jastaǵy turǵyny ustaldy», -delingen polıtsııanyń baspasóz qyzmeti taratqan habarlamada.
Áýlıekól aýdandyq polıtsııa bóliminiń qyzmetkerleri 5 jylqyny izdep tapty. Shyǵyn somasy 3 mıllıon teńgeni qurady. Jylqylar Novoselovka aýylynan 150 shaqyrym jerde tabyldy. Alaıda, qylmystyq is urlyq faktisiniń rastalmaýyna baılanysty toqtatyldy.
«Bul jaǵdaı óz múlkine nemquraıly qaraýdyń úlgisi bolyp esepteledi. Mal urlyǵynajol bermeý úshin janýarlardy qaraýsyz qaldyrmaý jáne qora-qopsyny arnaıy quraldarmen jabdyqtaý, urlyq bolǵan jaǵdaıda dereý polıtsııaǵa júginý usynylady», - deıdi polıtseıler.
Aıta keteıik, QR Іshki ister mınıstrligi Qylmystyq kodekske mal urlyǵyna qatysty arnaıy bap engizý týraly bastama kóterdi.
