Qostanaı oblysynda bir mezette 3 kólik soqtyǵysty

QOSTANAI. QazAqparat – Búgin Qostanaı aýdanynda úsh kólik soqtyǵysty, dep habarlaıdy QazAqparat.

Oblystyq polıtsııa departamentiniń aqparatyna súıensek, «102» nómirine Qostanaı aýdanynyń Arman aýylynda úsh avtokóliktiń soqtyǵysqany týraly habar túsken.

«Jol jıeginde dabyl belgisi qosylǵan «KamAZ» kóligi toqtap turǵan. Sálden soń júk kóligine Qostanaı qalasyna baǵyt alǵan Suzuki markaly avtokóligi soǵylady. Qashyqtyqty saqtaı almaǵan Toyota Alphard Suzuki-ge soqtyǵysqan. Úsh avtokóliktiń qatysýymen bolǵan jol-kólik oqıǵasy kezinde zardap shekkender joq», - deıdi polıtsııanyń baspasóz qyzmeti mamany Kenje Qonysbaı.

Sot sheshimin shyǵarý úshin tártip saqshylary ákimshilik materıal jınady.