Qostanaı oblysynda bir kúnde 30-ǵa jýyq kólik oqıǵasy tirkeldi
QOSTANAI. QazAqparat - Qostanaılyq tərtip saqshylary júrgizýshilerge kólik dońǵalaqtaryn qysqa əzirleýge shaqyrdy, dep habarlaıdy QazAqparat tilshisi.
Qostanaıda bir kúni ishinde 29 jol-kólik oqıǵasy tirkelgen.
«Aýa raıynyń kúrt qubylýy saldarynan 23-24 qazan kúnderi Qostanaıda kóktaıǵaq boldy. Bir keshtiń ózinde 29 kólik apaty boldy, onyń 21-i qalada oryn aldy», - dep məlim etti oblystyq ІІD baspasóz qyzmeti.
Qostanaı oblysy ІІD Jergilikti polıtsııa qyzmeti basshysynyń orynbasary Qurmet Məjikenov qostanaılyq júrgizýshilerdi jolda abaı bolýǵa, dońǵalaqtardy qysqa əzirleýge shaqyrady.
Qysqy jáne jazǵy dońǵalaqtardyń aıyrmashylyǵy jalǵyz «tikenderinde» ǵana emes deıdi mamandar.
«Qysqy dońǵalaqtar tómengi temperatýraǵa tózetin hımııalyq quramnan jasalady. Eger jazǵy dońǵalaqpen aıazǵa shyqsańyz, ol qatyp qalady da, basqarýǵa baǵyna bermeıdi», - dedi «KostaMotors» tehnıkalyq qaraý ortalyǵynyń mehanıgi Saıyn Erlibekuly.
