Qostanaı oblysynda bir aýdandy «jaryp jibermek» bolǵan jigit ustaldy
QOSTANAI. QazAqparat – Qostanaılyq polıtseıler aýdan ortalyǵyna «bomba qoıylǵanyn» habarlaǵan 27 jastaǵy er adamdy ustady, dep habarlaıdy QazAqparat.
Aqparatty agenttik tilshisine oblystyq polıtsııa departamentiniń baspasóz qyzmeti rastady. 2020 jylǵy 20 shilde kúni «112» nómirine belgisiz bireý habarlasyp, Altynsarın aýdany ortalyǵyna jarylǵysh zat qoıylǵanyn, aýdan túgelimen jarylyp ketetinin aıtqan.
«Іs-qımyl algorıtmine sáıkes qosymsha kúsh-quraldardy tarta otyryp, arnaıy jospar júrgizildi. Júrgizilgen is - sharalar nátıjesinde Altynsarın aýdany, Sataı selosynyń 27 jastaǵy turǵyny ustalyp, qamaýǵa alyndy. Ol mas kúıinde osy aqparatty qasaqana habarlaǵan» deıdi vedomstvonyń baspasóz qyzmetindegiler.
Qazirgi ýaqytta QR QK 273-baby boıynsha sotqa deıingi tergeý júrgizilýde. Kúdiktiniń kinási dáleldense, 5 jylǵa deıin bas bostandyǵynan aıyrylýy múmkin.
