Qostanaı oblysynda bir apta buryn joǵalǵan balanyń denesi tabyldy
ASTANA. QazAqparat - Tobyl ózeniniń jaǵalaýynan 8 jasar Igor Kotskııdiń denesi tabyldy, dep habarlaıdy «QazAqparat» HAA tilshisi Qostanaı oblystyq ІІD baspasóz qyzmetine silteme jasap.
«11 shilde kúni saǵat 17.00-de Koreı kópiri aýmaǵyndaǵy Tobyl ózeniniń jaǵalaýynan Qostanaı qalasynyń qutqarýshylary 8 jasar Igor Kotskııdiń denesin tapty. Búldirshin 4 shilde kúni joǵalǵan, ony izdeý jumystaryna bir apta boıyna tek polıtseıler, qutqarýshylar ǵana emes, sondaı-aq eriktiler de atsalysty», - delingen habarlamada.
Qostanaı oblystyq ІІD Igordi tabýǵa kómektesken barlyq eriktilerge alǵys aıtady. Qazirgi tańda qajetti saraptama belgilendi.
Eske salaıyq, 8 jasar Igor Kotskııdi izdeý jumystary bir apta jalǵasty. Buryn habarlanǵandaı, ol 4 shilde kúni «Vostok» dúkeniniń aýmaǵynda joǵalǵan.
