Qostanaı oblysynda bilim granttary kóbeıedi
QOSTANAI. QazAqparat - 2018-2019 oqý jyldary Qostanaı oblysynda memlekettik bilim granttarynyń kólemi artady. Bul týraly oblys ákimdiginde ótken jıynda Arhımed Muhambetov málim etti, dep habarlaıdy QazAqparat.
Qostanaı oblysy ákimdigi Jastar isi jónindegi keńesiniń otyrysyna qatysqan Arhımed Muhambetov bıyl óńirdegi 5 JOO-na nebári 41 granttyń bólingenin aıtty. Al kelesi jyly oblysqa 200 grant qarastyrylǵan.
«100 bilim granty densaýlyq saqtaý salasyna baǵyttalǵan. Ózderińizge málim, oblysta dárigerler jetispeıdi. Al taǵy 100 grant tehnıkalyq mamandyqtarǵa arnalǵan. Aımaqta avtoóndiris jaqsy damyp keledi. Taıaýda ındýstrııayq aımaq ashyldy. Endi birte-birte zaýyttar boı kótere bastaıdy. Aldaǵy jyldyń naýryz-sáýir aılarynda lıft qurastyrý zaýyt iske qosylady. Budan bólek, jaqynda 3 zaýyttyń qurylysy josparda tur», - deıdi oblys ákimi.
Arhımed Muhambetovtiń aıtýynsha, ınjener, josparlaýshy, tehnıkalyq qurastyrýshy mamandyqtaryna suranys joǵary. Sol sebepti, óńir basshysy bilim basqarmasyna aqparattyq-túsindirý jumystaryn kúsheıtýdi tapsyrdy.
