Qostanaı oblysynda bilim bóliminiń basshysy ózine qol jumsady
Q. Júginisovtiń 2 maýsym kúni sýıtsıd jasaǵany týraly aqparatty BAQ búgin bere bastady. Oǵan birden oblystyq vedomstvo túsinikteme jasady.
«Ókinishke qaraı, Meńdiqara aýdany bilim bóliminiń basshysy Qalybek Baıjanuly Júginisovtiń ózine qol salǵany týraly aqparatty rastaımyz. Qaıǵyly jaǵdaıdyń mán-jaıynan bilim basqarmasy habarsyz, - dedi oblystyq basqarmadan. – Qalybek Baıjanuly áriptesteri arasynda syıly jan edi. Ol - óz isiniń mamany, jaýapty qyzmetker boldy. Bilim basqarmasynyń ujymy marqumnyń týǵan-týystary men jaqyndaryna qaıǵyryp kóńil aıtady».
Sonymen qatar jergilikti BAQ-ta marqumnyń ózine qol salýynyń sebebi - oǵan qatysty sybaılas jemqorlyq faktisi boıynsha júrgizilgen tergeý bolýy múmkin ekeni habarlanǵan.
«Bilim basqarmasyna quqyq qorǵaý organdarynan Qalybek Baıjanulyna qatysty sybaılas jemqorlyq faktisi boıynsha júrgizilgen sotaldy tergeý týraly resmı aqparat túspedi», - dep qosty oblystyq bilim basqarmasynan.
