Qostanaı oblysynda bilim berý salasynyń úzdik qyzmetkerleri marapattaldy

ASTANA. QazAqparat - 2017 jylǵy 25 tamyzda E. Ómirzaqov atyndaǵy oblystyq fılarmonııanyń kontserttik zalynda Qostanaı oblysynyń ákimi A. B Muhambetovtiń qatysýymen bilim berý qyzmetkerleriniń kezekti tamyz keńesi ótti, dep habarlaıdy oblys ákimdiginiń baspasóz qyzmeti.

Keńes jumysyna Qazaqstan Respýblıkasy Bilim jáne ǵylym mınıstrliginiń Tehnıkalyq jáne kásiptik bilim berý departamenti dırektorynyń orynbasary, qalalar men aýdandardyń ákimderi, oblystyń iri kásiporyndarynyń, oblystyq bilim basqarmalarynyń basshylary, oblystyq bilim berý uıymdarynyń dırektorlary, pedagogıkalyq eńbek ardagerleri, pedagogıkalyq jáne ata-analar qoǵamynyń músheleri qatysty.

«Qoǵamdyq sanany jańǵyrtý aıasynda bilim berý sapasyn jetildirýdiń jańa baǵyttary men problemalary» atty negizgi baıadamany Qostanaı oblysy ákimdigi bilim basqarmasynyń basshysy B. B. Daýmova jasady.

Sondaı-aq, keńeste Fedorov aýdanynyń ákimi T. Q. Isabaev, Amangeldi aýdany ákimdigi bilim bóliminiń basshysy S. O Tólenov, Qarasý aýdanynyń Jeleznodorojnyı OM bıologııa muǵalimi A. I. Koptev, Qostanaı joǵary polıtehnıkalyq kolledjiniń dırektory A. І. Doşanova, aqparattandyrý jáne bilim sapasyn baǵalaý ortalyǵynyń dırektory A. A. Pavlıchenko, patronat tárbıeshisi G. K.Tólegenova sóz sóıledi.

Keńesti oblys ákimi A. B.Muhambetov qorytyndylady.

Dástúrli túrde marapattaý rásimi ótkizildi, onda, áleýmettik máseleler boıynsha oblys ákiminiń orynbasary M. Q. Júndibaev bilim berý salasyn damytýǵa qosqan úlesi úshin Y. Altynsarın atyndaǵy tósbelgisimen marapattaldy.
 

Barlyǵy bilim salasynyń 71 qyzmetkeri marapattaldy. Onyń ishinde «Orta bilim beretin úzdik uıym» bolyp «Qostanaı qalasy ákimdigi bilim bóliminiń №1 lıtseı-mektebi» MM tanyldy, oǵan oblys ákimi Arhımed Muhambetov 19 567 200 teńgege sertıfıkat tabystady.