Qostanaı oblysynda bes toı men tórt týǵan kún ótkizilgen

QOSTANAI. QazAqparat – Demalys kúnderi Qostanaı oblysynyń monıtorıng toptary saltanatty sharalardy ótkizýdiń toǵyz faktisin anyqtady, dep habarlaıdy QazAqparat óńirlik polıtsııa departamentiniń baspasóz qyzmetine silteme jasap.

Monıtorıng toptary 5 toı men 4 týǵan kún keshin anyqtaǵan. Olardyń barlyǵynda adam kóp bolǵan.

«Oblystyń koronavırýstyń taralýy boıynsha «qyzyl» aımaqta ekenine qaramastan, óńirde karantın rejımin buzý faktileri anyqtalyp jatyr. Mysaly, Amangeldi aýdanynyń Esir aýylyndaǵy toıǵa 100 adam jınalǵan. Al osy aýdannyń Amangeldi aýylynda 30 adam jınalǵan taǵy bir toı ótken. Jitiqara qalasyndaǵy kafede 35 adam neke qııý rásimin toılaǵan», - dep mysal keltirdi polıtsııadan.

Basqa faktiler oblystyń Áýlıekól, Naýryzym aýdandarynda, Rýdnyı jáne Qostanaı qalalarynda anyqtalǵan.

Barlyq tártip buzýshylyq boıynsha materıaldar Qostanaı oblysynyń Sanıtarııalyq-epıdemıologııalyq baqylaý departamentine tıisti sharalar qabyldaý úshin jiberildi. Barlyǵy osy jyldyń basynan bastap monıtorıng toptary 10 927 reıd júrgizip, karantındik rejımdi buzýdyń 872 faktisin anyqtaǵan.

Avtory Janna Musabaeva