Qostanaı oblysynda bes mektep jabylady
QOSTANAI. QazAqparat - Qostanaı oblysynda bıyl bes birdeı bastaýysh mektep jabylmaq. Jergilikti ákimdikter osyndaı sheshim qabyldap otyr, dep habarlaıdy Habar 24 telearnasy.
Basty sebep bul bilim mekemelerinde bala sany tolmaıdy. Oblys boıynsha qazirgi tańda 509 mektep bar. Al bilim oshaǵy joq eldi mekender sany 180-ge jýyqtaıdy. Ondaǵy balalar jaqyn mańdaǵy aýyldardan qatynap nemese ınternatta jatyp oqyp júr. Endi olardyń qataryna jabylǵan mektepterdiń 16 oqýshysy qosylmaq.
«Kólik máselesin sheshý jergilikti ákimdikterdiń moınynda. Internatqa jatqyzylǵan oqýshylar apta saıyn baryp turýǵa mashına beriledi. Al qaısybiri kún saıyn úıinen qatynaıtyn bolady. Bul memlekettik qyzmetke jatqandyqtan bári tegin», - deıdi oblystyq bilim basqarmasynyń bas mamany Ásemgúl Imanova.
