Qostanaı oblysynda bastalǵan órt Reseı shekarasyna deıin jetti
QOSTANAI. QazAqparat – Qostanaı oblysy men Reseı Federatsııasynyń shekarasynda órt shyqty, dep habarlaıdy QazAqparat oblystyq TJD baspasóz qyzmetine silteme jasap.
Qarabalyq aýdanynyń Taldy aýylynan 10 shaqyrym jerde qurǵaq shóp órtengen. Qyzyl jalyn jaqyn mańdaǵy qaıyń men kókterek shoǵyryn sharpyǵan.
«Órt Mıhaılovka orman sharýashylyǵy mekemesiniń aýmaǵynda bastalǵan. 250 gektar alqapty sharpyǵan órtke qaýiptiń 5 deńgeıi berildi. Órt RF Chelıabi oblysynyń shekaralyq aýmaǵyna ótip ketken. Biraq, halyq turatyn eldi mekenderge qaýip tóngen», - delingen TJD baspasóz habarlamasynda.
Órt sóndirý jumystary 1 tamyzda bastalyp, 7 tamyzda tolyǵymen aıaqtaldy.
