Qostanaı oblysynda bas sanıtar dárigerdiń jańa qaýlysy shyqty

NUR-SULTAN. QazAqparat – Qostanaı oblysynyń bas memlekettik sanıtarlyq dárigeri 2021 jylǵy 27 sáýirdegi №14 qaýlysynyń kúshin joıdy, dep habarlaıdy QazAqparat tilshisi.

Óńirdiń bas sanıtarlyq dárigeriniń qaýlysynda 2021 jylǵy 4 aqpandaǵy № 5 qaýlyǵa mynadaı ózgerister engiziletini aıtylǵan.

Dinı nysandardyń (meshit, shirkeý, sobor, sınagoga jáne t. b.) qyzmetine ujymdyq Qudaıǵa qulshylyq etýge jáne buqaralyq is-sharalarǵa, onyń ishinde «juma», «taraýyq», «aıt» namazdary men «aýyzashar», sondaı-aq Pashany merekeleýge saltanatty is-sharalar ótkizbeı, mekemedegi qoǵamdyq tamaqtaný nysandarynyń jumysyna tyıym sala otyryp, bir adamǵa keminde 4 sharshy metr oryn saqtaı otyryp ruqsat berildi.

«Meshitter, pravoslav shirkeýleri jáne basqa da dinı obektiler aýmaǵynda ujymdyq dinı is-sharalardy (onyń ishinde «juma namaz», kúndelikti pravoslavıelik duǵalar jáne basqalar) ashyq aýada ótkizý maska rejımin jáne bir adamǵa keminde 4 metr esebimen áleýmettik qashyqty saqtaǵan kezde júzege asyrylady. Qostanaı oblysynyń bas memlekettik sanıtarlyq dárigeriniń 2021 jylǵy 27 sáýirdegi № 14 qaýlysynyń kúshi joıyldy dep tanylsyn» - dep jazylǵan qaýlyda.