Qostanaı oblysynda balyqshylar mingen kólik kólge batyp ketti
QOSTANAI. QazAqparat – Qostanaı oblysynda balyqshylar mingen kólik muz astyna túsip ketti, dep habarlaıdy QazAqparat oblystyq TJD baspasóz qyzmetine silteme jasap.
Oqıǵa Meńdiqara aýdanynyń Alakól kólinde bolǵan. Bir top balyqshy mingen Mitsubishi Padjero kóligi jaǵalaýǵa 200 metrdeı qashyqtyq qalǵanda muz astyna túsip ketken.
«Balyqshylar kólikten shyǵyp úlgerdi. Uıaly baılanys jelisi arqyly jergilikti qutqarýshylardy shaqyrdy. Saǵat 21:30 shamasynda Meńdiqara aýdanynyń TJ bólimi qyzmetkerleri oqıǵa ornyna kelip, jaǵdaıdy baǵalady. Balyqshylardy Borovskoe aýylyndaǵy kásiptik-tehnıkalyq kolledj jataqhanasyna ornalastyrý týraly sheshim qabyldandy. Kelesi kúni balyqshylarǵa kómek kórsetýge Qostanaıdan jedel-qutqarý jasaǵynyń qyzmetkerleri keldi» delingen TJD aqparatynda.
Jasaq qyzmetkerleri muzǵa batqan kólikti arnaıy tehnıkanyń kómegimen alyp shyqty. Sodan keıin balyqshylar Qostanaı qalasyna jetkizildi.
