Qostanaı oblysynda balyqshylar qar qursaýynda qalyp qoıdy
Oblystyq Tótenshe jaǵdaılar departamentinen málim etkendeı, oqıǵa 14 aqpan kúni Qarasý aýdanyndaǵy Qoıbaǵar kóliniń mańynda bolǵan. TJD kezekshi bólimine balyqshylar habarlasyp, Volkswagen Passat markaly jeńil avtokóligi qar qursaýynda qalyp qoıǵanyn aıtqan.
«Oqıǵa ornyna joǵary ótimdi «GAZ-66» avtokóligimen Qostanaı oblysy TJD bólimshesiniń qutqarýshylary jumyldyryldy. Úsh balyqshy mingen kólik aıdynnan birneshe shaqyrym júrip ótkennen keıin, saǵat keshki jetiler shamasynda turyp qalǵan. Qutqarýshylar olardy Qoıbaǵar kólinen 5 shaqyrym jerde ornalasqan Vostok aýylyna deıin jetkizdi. Vostok aýylyna kele jatyp, qutqarýshylar jol boıyndaǵy 4 jeńil avtokólikti qar qursaýynan bosatty. Barlyǵy 11 adam qutqaryldy», - deıdi TJD-nyń baspasóz hatshysy Ýálıhan Dosanov.
Qostanaı oblysynyń Tótenshe jaǵdaılar departamenti azamattardy meteorologııalyq málimetterdi baqylaýǵa, aýa raıynyń nasharlaýy kezinde eldi mekenderden tys jerlerge shyqpaýǵa shaqyrady.
