Qostanaı oblysynda balasy bar er kisi tasqyn sýdan traktordyń ústine minip aman qaldy
ASTANA. QazAqparat - Qostanaı oblysynyń turǵyny 9 jasar balasymen arnasynan tasyǵan ózenniń ortasyndaǵy júrmeıtin traktordyń ústine shyǵyp, qıyn jaǵdaıǵa tap boldy, dep habarlaıdy «QazAqparat» HAA tilshisi QR ІІM TJ komıtetiniń baspasóz qyzmetine silteme jasap.
Qostanaı oblystyq tótenshe jaǵdaılar departamenti bastyǵynyń atyna Naýryzym aýdany Qarameńdi aýylynyń turǵynynan alǵys hat kelip tústi. Ol hatta Qostanaı oblystyq TJD qyzmetkerlerine óziniń rızashylyǵyn bildirgen. «Biz Terek kordonynan Qarameńdi aýylyndaǵy úıimizge qaıtyp kele jattyq. Danabıke ózeninen ótip bara jatqanymyzda MTZ-82 traktory isten shyǵyp, óship qaldy. Sýdyń deńgeıi kóterile bastady. Biz traktordyń ústine shyǵyp, «102» nómirine qońyraý shalyp, kómek kúttik. Qutqarýshylar qaıyqpen kelip, ómirimizdi saqtap qaldy», - dep jazdy Turǵyn Rahmetov.
«Bizdiń ómirimizge qatty qaýip tóndi: tún, sý salqyn. Bizdi qoryqtyń traktorymen alyp ketip, jyly kıimder berdi. Sizderge kóp rahmet jáne myqty densaýlyq, baqyt tileımin», - dep ystyq lebizin bildirdi ol.
Buryn habarlanǵandaı, Qostanaı oblysynda tórt eldi mekendi sý aldy.
