Qostanaı oblysynda balalar úıleriniń sany qysqaryp keledi
QOSTANAI. QazAqparat - Qostanaı oblysynda balalar úıleriniń sany qysqara bastady. Ótken jyly Fedorov aýdanyndaǵy balalar úıi jabylsa, bıyl osyndaı mekeme Qostanaı oblysynda jumysyn toqtatty, dep habarlaıdy QazAqparat alau.kz saıtyna silteme jasap.
Osy máselege baılanysty taratylǵan aqparattarǵa qaraǵanda, sońǵy ýaqytta balalar úıleriniń tárbıelenýshilerin asyrap alýshylar sany artqan. Mysaly sońǵy 5 jylda 1,5 myń bala jańa otbasyna bardy nemese óz ata-anasynyń qamqorlyǵyna alyndy.
Sońǵy 7 jylda ata-ananyń qamqorlyǵynan aıyrylǵan balalarǵa arnalǵan 4 uıym jumysyn toqtatqan. 2017 jyldyń ózinde balalar úılerinen 94 bala ketken. Olardyń 10-yn asyrap alǵan, taǵy 10 bala patronat ata-analardyń qolyna berilse, 60 bala óz otbasyna oralǵan.
Jalpy alǵanda, Qostanaı oblysyndaǵy 14 ınternatta 761 bala turyp jatyr. Taǵy 1,5 myń bala otbasynyń qasynda.
«2017 jyly Fedorov aýdanyndaǵy balalar úıi jabyldy. Bıyl Qostanaı oblystyq balalar úıi jumysyn toqtatty. Sońǵy 5 jylda 366 bala otbasyna qamqoyrlyǵyna alyndy. 778 bala óz otbasyna oralǵan. Qazaqstan azamattary 320 balany asyrap aldy»,-deıdi Qostanaı oblysy ákimdiginiń bilim basqarmasynyń jetekshisi batıma Daýmova.
