Qostanaı oblysynda balalar úıiniń túlekterine baspana berildi
ASTANA. QazAqparat - Qostanaı oblysynda balalar úıiniń túlekteri arnaıy monıtorıngtik toptyń aralasýynan keıin jataqhanadan bes bólme aldy, dep habarlaıdy QazAqparat.
Qostanaı oblysynda memlekettik qoldaý arqyly turǵyn úı berý kezinde balalar úıi túlekteriniń quqyǵy buzylǵan.
«Sonymen qatar, balalar úıiniń túlekteri zańdy sharshy metr alý quqyǵy týraly habardar bolmaǵan. Sonyń kesirinen bes jyldan astam ýaqyt turǵyn úı podezderin panalaǵan», - dedi respýblıkalyq arnaıy monıtorıng toby tóraǵasynyń orynbasary Rafael Gasanov Ortalyq kommýnıkatsııalar qyzmetinde ótken baspasóz máslıhatynda.
Onyń sózinshe, respýblıkalyq arnaıy monıtorıng toby men BAQ jarııalanǵan materıaldardan soń olarǵa jataqhanadan bes bólme berildi.
«Búginde halyqtyń áleýmettik jaǵynan osal toptarynyń memlekettik turǵyn úı qorynan baspanaǵa ıe bolýy óte ótkir máselege aınaldy. Bizdiń top barlyq óńirde bolyp, naqty usynystaryn jetkizdi. Buǵan qosa sybaılas jemqorlyq quqyq buzýshylyqtaryn boldyrmaý úshin baıqaý keńesiniń quramyna belsendi kirýdi usyndyq. Qazirgi tańda bul suraq áli kún tártibinen túsken emes», - dep túsindirdi Rafael Gasanov.
Ótken aptada arnaıy monıtorıng top ókilderi Túrkistan oblysyna baryp, balalardyń jaǵdaıyn bilip qaıtty.
Avtor: Gúlmıra Sarbasova
