Qostanaı oblysynda balalar úıindegiler PTR test tapsyrady
Jańa qaýlyda turǵyndar arasynda COVID-19 ınfektsııasynyń taralýynyń aldyn alý úshin balalar úıleriniń tárbıelenýshilerin PTR testileýmen qatamasyz etý tapsyrylǵan.
Naqtyraq aıtsaq, tekserý jetim balalar men ata-anasynyń qamqorlyǵynsyz qalǵan balalarǵa, damý múmkindikteri shekteýli, qorǵanshylyqtaǵy, patronattaǵy, kóp balaly, az qamtylǵan otbasylardan shyqqan balalarǵa arnalǵan bilim berý uıymdarynyń tárbıelenýshilerine jasalýy tıis.
Synama alý Ulttyq saraptama ortalyǵynyń fılıalyndaǵy zerthana mamandaryna júktelgen.
«Sanıtarlyq-epıdemıologııalyq baqylaýdyń aýmaqtyq basqarmalarynyń jaýapty mamany patsıenttiń barlyq derekterin elektrondyq joldamaǵa, ulttyq saraptama ortalyǵynyń aqparattyq júıesine toltyra otyryp, iriktelgen materıaldy tirkeıdi jáne mamannyń jeke kabınetinen tıisti zerthanaǵa jiberedi», - dep jazylǵan qaýlyda.
