Qostanaı oblysynda balabaqsha tárbıeshileri KVI juqtyrdy
QOSTANAI. QazAqparat – Qostanaı qalasynda koronavırýstyq ınfektsııa №69 balabaqsha pedagogtarynan anyqtaldy, dep habarlaıdy QazAqparat.
Aqparatty Qostanaı oblysy taýarlar men qyzmetterdiń sapasy jáne qaýipsizdigin baqylaý departamentiniń baspasóz qyzmeti rastady.
«Balabaqsha pedagogtary COVID-19 vırýsynyń sımptomsyz tasymaldaýshylary sanalady. Qazir mektepke deıingi mekeme karantınge jabyldy. Ulttyq saraptama ortalyǵy fılıalynyń kúshimen dezınfektsııa jumystary júrgizildi.
Pedagogtarmen jaqyn baılanysta bolǵandar Qostanaı qalasynyń emhanalarynda baqylaýǵa alynady jáne tekseriledi», - delingen departament habarlamasynda.
