Qostanaı oblysynda bala Shoqanǵa eskertkish ornatyldy

QOSTANAI. QazAqparat - Qostanaı oblysynda Shoqan Ýálıhanovtyń eskertkishi ornatyldy, dep habarlaıdy QazAqparat tilshisi.

Bul aqparatty sarykóldik turǵyndar áleýmettik jelilerde taratty. Tas músin Sarykól aýdanynyń Kúntımes aýylynda uly tulǵanyń týǵan kúni qarsańynda ashyldy. Bastamashylar - osy aýyldyń azamattary.

«Biz jas Shoqannyń eskertkishin ornatýdy sheshtik. Óıtkeni, ol jas jaǵynda osy Kúntımes aýylynda ómir súrgen. Bul ıdeıamyz kóp jyldan soń iske asyp otyr. Jas Shoqannyń eskertkishi el boıynsha óte az, joqqa tán dep aıtýǵa bolady. Munda Shoqan atamyzdyń kadette oqyp júrgendegi kezi beınelengen», - deıdi ólketanýshy Edilbaı Ahmetov.

Eskertkish salý bastamasy bıyl ótken ıdeıa jármeńkesinde múmkin boldy. Aýyl azamattary jármeńkede jarty mıllıon teńgeniń grantyn utyp aldy. Músinniń avtory - Egor Kıslıtsın.