Qostanaı oblysynda áıel adamnyń denesiniń qapqa salynǵan bólshekteri tabyldy
QOSTANAI. QazAqparat – Qostanaı polıtseıleri 2014 jyly tirkelgen qylmysty ashty, dep habarlaıdy QazAqparat.
Іs derekterinde kórsetilgendeı, Beloglınka aýylynyń turǵyny 2014 jyldyń qarasha aıynan bastap habar-osharsyz joǵalyp ketken. Ol kezde polıtsııaǵa izdeý salynǵan adamnyń ápkesi aryzdanǵan. Polıtsııa atalǵan fakti boıynsha polıtsııa qylmystyq is qozǵady.
«2020 jyldyń 26 sáýirinde Beloglınka aýylynyń ýchaskelik ınspektoryna aýyl turǵyny júgindi. Ol jaqynda satyp alǵan úıinen qapqa salynǵan áıel adamnyń dene bólshekterin kórgenin aıtty. Bul 2014 jyly joǵalyp ketken áıeldiń denesi bolýy múmkin. Saraptama júrgizilýde»,- dep habarlady oblystyq polıtsııa departamenti baspasóz qyzmetindegiler.
Qarabalyq aýdany polıtsııa bóliminiń qyzmetkerleri joǵalyp ketken áıeldiń ólimine qatysty kúdiktini ustady. Ol 62 jastaǵy Beloglınka aýylynyń turǵyny bolyp shyqty. Kúdikti buryn isti bolǵan. Atalǵan derek boıynsha QR QK «Adam óltirý» babymen sotqa deıingi tergeý júrgizilýde.
