Qostanaı oblysynda avtobýs júrgizýshileri qandaı zańbuzýshylyqqa jıi barady
QOSTANAI. QazAqparat — Qostanaı oblysynda «Avtobýs» respýblıkalyq jedel-profılaktıkalyq sharasy barysynda zań buzýdyń 247 faktisi anyqtaldy. 11 júrgizýshi avtobýsty zańsyz qaıta jabdyqtaǵany úshin jaýapqa tartyldy, dep habarlaıdy QazAqparat tilshisi.
«Tehnıkalyq tekserýden ótpeýge qatysty – 17 fakti, reıs aldynda jáne medıtsınalyq tekserýden ótpeýdiń 5 faktisi tirkeldi. 11 kólik tehnıkalyq reglament talaptaryna saı bolmaǵan, sondaı-aq basqa da avtobýstardan kólik quraldaryn paıdalanýǵa tyıym salynatyn aqaýlar nemese jaǵdaılar anyqtaldy», - dedi polıtsııadan.
Avtobýs júrgizýshileri arasynda mynadaı faktiler jıi kezdesken: 34 júrgizýshi uıaly telefonmen sóılesken, 54-i – manevr jasaý erejesin buzǵan.
8 zańsyz tasymaldaýshy ákimshilik jaýapqa tartyldy jáne sonsha avtobýs parkteriniń jaýapty tulǵalary jazalandy.
Polıtseıler Tótenshe jaǵdaılar departamentimen birge 129 avtobýstyń órt qaýipsizdigi talabyna sáıkestigin, elektr jabdyqtarynyń jaı-kúıin tekserdi.
