Qostanaı oblysynda avtobýs pen kólik soqtyǵysyp, bir adam kóz jumdy
QOSTANAI. QazAqparat – Qostanaı oblysynda jol-kólik oqıǵasy saldarynan bir adam kóz jumdy, dep habarlaıdy QazAqparat.
Oblystyq polıtsııa departamenti baspasóz qyzmetiniń málimetinshe, oqıǵa keshe 18:20-da «Qostanaı - Áýlıekól - Surǵan» tasjolynda bolǵan.
«Volkswagen Polo» avtokóliginiń 48 jastaǵy júrgizýshisi qarsy baǵytta kele jatqan «PAZ» avtobýsymen soqtyǵysqan. Apat saldarynan «Volkswagen Polo» júrgizýshisi ártúrli jaraqatpen aýrýhananyń jansaqtaý bólimine jetkizildi. Avtokólik jolaýshysy aýyr dene jaraqatynan oqıǵa ornynda kóz jumdy» delingen vedomstvonyń aqparatynda.
Osy derek boıynsha tergep-tekserý amaldary júrip jatyr.
