Qostanaı oblysynda aýyl syrtynan ózin óltirgen boıjetkenniń denesi tabyldy

QOSTANAI. QazAqparat – Qostanaı oblysyndaǵy Arhıpovka aýylynyń mańynan qyzdyń denesi tabyldy, dep habarlaıdy QazAqparat tilshisi.

Qostanaı oblysynyń polıtsııa departamenti bul faktige túsinik berdi.

«27 tamyz kúni saǵat 17.00-de Arhıpovka aýylynan 5 shaqyrym jerde sańyraýqulaq terýshiler aldyn ala boljam boıynsha óz-ózine qol jumsaǵan qyzdyń denesin tapty. Qazirgi ýaqytta polıtsııa osy fakti boıynsha QR Qylmystyq kodeksiniń 105-baby (ózin-ózi óltirýge jetkizý) boıynsha sotqa deıingi tergeý amaldaryn bastady»,-dep túsindirdi polıtsııa departamentiniń baspasóz qyzmetinen.

Aımaqtyq BAQ-tyń habarlaýynsha, jelide qyzdyń denesi tabylǵan jerden vıdeo taraǵan.

Vedomstvonyń málimetinshe, qazirgi kezde tergeý amaldary júrgizilip, saraptama taǵaıyndaldy.