Qostanaı oblysynda aýyl ákimi qyzmetinen bosatyldy

QOSTANAI. QazAqparat - Meńdiqara aýdanynyń ákimi Ádep jónindegi keńes músheleriniń  usynysymen Mıhaılovsk aýyldyq okrýginiń ákimi mindetinen ýaqytsha shettetilgen Ádilbek Kákimbekovti qyzmetinen bosatty. Aýyl ákimi halyqqa eskertpeı, óz betinshe memorandýmdy buzǵan. Onymen qoımaı, sharýa qojalyǵynyń jerin tartyp alǵan, dep habarlaıdy QazAqparat tilshisi.

Kákimbekovti Mıhaılovsk aýyldyq okrýginiń ákimi qyzmetinen bosatý faktisin aýdandyq ákimdiktiń kadrlar bólimi rastady.

Dál osy jerde Ádilbek Kákimbekovtyń shyǵarylǵan sheshimge narazy ekeni belgili boldy. Eks-ákim sheshimniń ústinen shaǵym túsirip, sotqa jetkizbek oıda.

Eske salaıyq, Meńdiqara aýdany Mıhaılovsk aýyldyq okrýginiń burynǵy ákimi  Ádilbek Kákimbekovke qatysty tártiptik is Qostanaı oblystyq memlekettik qyzmet isteri jáne sybaılas jemqorlyqqa qarsy is-qımyl departamentiniń Ádep jónindegi keńesiniń otyrysynda talqylanǵan edi.