Qostanaı oblysynda aýdandyq aýrýhananyń bas býhgalteri sottaldy
Qostanaı. Qazaqparat - Qostanaı oblysynyń Fedorov aýdandyq sotynda ortalyq aýdandyq aýrýhanynyń 62 jastaǵy bas býhgalteri men úsh qyzmetkerine qatysty qylmystyq is boıynsha sot úkimi shyǵaryldy, dep habarlaıdy «Qazaqparat» tilshisi Qostanaı oblystyq sotyna silteme jasaı otyryp.
Іsti qaraý barysynda aýrýhananyń bas býhgalteri 2014 jyldyń qańtary men 2016 jyldyń jeltoqsany aralyǵynda óz isine jaýapsyzdyq tanytyp, sonyń saldarynan memlekettke 19 mln. 299 myń 331 teńge kóleminde zııan keltirgen.
«Aýrýhana býhgalterııasynyń qyzmetkerleri S, V, D, bas býhgalter G-niń tikeleı qol astynda bola tura, býhgalter tarapynan jalaqyǵa ketetin qarjyny durys jumsaý boıynsha tıisti baqylaýdyń joqtyǵyn bilip, jalǵan resmı qujattar ázirleý arqyly bıýdjet qarajatyn urlaǵan. Naqtyraq aıtar bolsaq, kásiporyn kassasynan qarjy alýǵa quqyq beretin shyǵyn-kassalyq orderlerine jalǵan málimet engizgen. Olar qarajat alǵandyqtaryn kórsetetindeı etip, ózge tulǵalardyń qoltańbasyn qoldan jasaǵan, sonymen qatar, kásiporyn kassasynan qarajat alýǵa quqyq beretin esep aıyrysý-tólem tizimdemesine de jalǵan málimet engizgen», - dedi oblystyq sotta.
