Qostanaı oblysynda «Ashyq» jobasynyń iske qosylýy 200 kásiporynnyń jumysyn jandandyrady

QOSTANAI. QazAqparat - Qostanaı oblysynda «Ashyq» jobasyn iske qosýǵa daıyndyq jumystary júrgizilip jatyr, dep habarlaıdy QazAqparat aımaqtyq kásipkerler palatasynyń baspasóz qyzmetine silteme jasap.

Qosymshanyń Qostanaı oblysynda iske qosylýy karantınnen keıin jumysyn bastamaǵan 200-den astam kásiporynnyń jumysyn qalpyna keltirýge múmkindik beredi. Bul týraly Qostanaı oblystyq Kásipkerler palatasynyń dırektory Murat Ábenov málim etti.

«Ashyq» jobasy kásipkerlik nysandary: fıtnes-klýbtar, spa-ortalyqtar, haýyz, basseınder, kınoteatrlar, qoǵamdyq tamaqtaný oryndary, kompıýterlik jáne boýlıng-klýbtardyń jumysyna qoıylǵan shekteýlerdi tolyq alyp tastaý nemese jarym-jartylaı jabý balamasy retinde iske qosyldy. Basqa kásiporyndar da «Ashyq» qosymshasy boıynsha jumys isteı alady, sebebi ol bıznes nysandaryna jalpy epıdemıologııalyq jaǵdaıǵa azyraq táýeldi bolýǵa múmkindik beredi. Máselen, eger oblys «qyzyl» aımaqta tursa, jobaǵa qatysýshy kásiporyndar «sary» aımaq ólshemderimen, al eger «sary» aımaqta tursa – «jasyl» aımaq ólshemderimen jumys isteıtin bolady. Jobaǵa qatysý erikti – bıznes te, azamattar da eshteńege májbúrlenbeıdi», - dep baıandady M.Ábenov.

Qazaqstannyń birneshe aımaǵynda bıznes úshinshi aı boıy «Ashyq» jobasy boıynsha pılottyq rejımde jumys isteýde. Bul aıaǵyna deıin jetpegen tehnıkalyq jumystardy anyqtap, olardy qosymshanyń kópshilikke shyǵýyna deıin joıýǵa múmkindik berdi.