Qostanaı oblysynda asfalt-beton zaýytynyń aýmaǵynda bıtým janyp jatyr
QOSTANAI. QazAqparat - Qostanaı oblysynyń Fedorovka aýylynda burynǵy asfalt-beton zaýytynyń aýmaǵynda bıtým janyp jatyr, dep habarlaıdy QazAqparat tilshisi.
«27 sáýir kúni saǵat 15:36-da «101» pýltine Fedorov aýdanynyń Fedorovka aýylyndaǵy Jeńis kóshesi boıynda, burynǵy asfalt-beton zaýytynyń aýmaǵynda bıtým janyp jatqany týraly habarlama tústi.
Aldyn ala málimet boıynsha, órttiń aýdany 800 sharshy metrdi quraıdy. Jalyn 2 gektar aýmaqtaǵy qurǵaq shópke tez tarady«, - dep habarlady oblystyq Tótenshe jaǵdaılar departamentinen.
Qalyń tútin saldarynan órt sóndirý jumystary qıynǵa soǵyp jatyr.
