Qostanaı oblysynda apatty jáne úsh aýysymdy mektepter joq - ákim
«Aǵymdaǵy jyly bilim berý salasyn qarjylandyrý kólemi 128,8 mlrd teńgeni qurady, bul 2020 jylǵydan 11,7% artyq (115,3 mlrd. tg). Negizgi mindetterdiń biri – oqýdyń barlyq deńgeılerinde yńǵaıly jaǵdaılar jasaý, sonyń ishinde kompıýterlik parkti jańartý», - dedi Arhımed Muhambetov Ortalyq kommýnıkatsııalar qyzmetinde.
Onyń aıtýynsha, ótken jyly kompıýter parki 21 myńǵa artyp, 3 myń modem jáne Wi-Fi roýtermen tolyqtyrylǵan. Nátıjesinde, oqýshylar men pedagogtardy kompıýtermen qamtamasyz etý 100% boldy, al 1 kompıýterge shaqqandaǵy oqýshylar sany 7-den 4 adamǵa deıin tómendedi.
«Oblysta apatty jáne úsh aýysymdy mektepter joq ekendigin atap ótkim keledi. Aǵymdaǵy jyly 85 bilim berý uıymyna jóndeý jumystaryn júrgizdik. Mektepke deıingi jáne orta bilim berý uıymdaryn beınebaqylaý júıelerimen qamtamasyz etý máseleleri 100% sheshildi», - dedi oblys ákimi.
