Qostanaı oblysynda apatty jáne úsh aýysymdy mektep joq - Muhambetov
NUR-SULTAN. QazAqparat – Qostanaı oblysynda apatty jáne úsh aýysymdy mektep joq. Bul týraly Qostanaı oblysynyń ákimi Arhımed Muhambetov aıtty, dep habarlaıdy QazAqparat tilshisi.
«Oblysta apatty jáne úsh aýysymdy mektep joq ekendigin atap ótkim keledi. 78 bilim berý nysanynda kúrdeli jáne aǵymdyq jóndeý jumystary júrgizilip jatyr», - dedi óńir ákimi Ortalyq kommýnıkatsııalar qyzmetindegi baspasóz máslıhatynda.
Onyń atap ótýinshe, bilim berý mekemeleriniń materıaldyq-tehnıkalyq bazasyn jaqsartý jumystary jalǵasyp jatyr.
«Osy maqsatqa 2,6 mlrd teńge kózdelip otyr. Atalǵan qarajatqa sporttyq jabdyqtarmen jaraqtandyrý qamtamasyz etiledi. Oqýshy jıhazy jańartylady. Oqý kabınetteri, STEM zerthanalar, blokty-modýldik qazandyq jáne qazandar, týrnıketter men beınebaqylaý júıeleri, oqý zerthanalary jáne taǵy basqalar satyp alynady», - dedi Arhımed Muhambetov.
