Qostanaı oblysynda apatty jaǵdaıda turǵan 30 mektep kúrdeli jóndeýden ótti
QOSTANAI. QazAqparat – Qostanaı oblysynda apatty jaǵdaıda turǵan 30 bilim nysany kúrdeli jóndeýden ótti. Bul týraly búgin ákimdiktiń keńeıtilgen otyrysynda oblystyq bilim basqarmasynyń basshysy Záýre Báımenova málim etti, dep habarlaıdy QazAqparat.
Jıynda bilim jáne ǵylymdy damytýdyń 2020-2025 jyldarǵa arnalǵan memlekettik baǵdarlamasynyń iske asyrylý barysy talqylandy.
Oblys ákimi Arhımed Muhambetovtiń sózinshe baǵdarlamanyń oblystyq josparyna 3 ındıkator, 21 kórsetkish jáne 97 is-shara kiredi.
«Memlekettik baǵdarlamany iske asyrý aıasynda mektepke deıingi jáne orta bilim sapasyn arttyrý, kadrlyq quramdy jaqsartý, TjKB uıymdarynyń túlekterin jumysqa ornalastyrý, jetim balalarǵa bilim jaǵdaıyn qamtamasyz etý boıynsha jumys júrgizildi. Sonymen qatar bilim berý uıymdaryn materıaldyq-tehnıkalyq bazasyn jaqsartý kún tártibinen túsken emes. Osy jyly bilim berýdi qarjylandyrýǵa 122,8 mlrd teńge bólindi. Onyń ishinde, 133 bilim nysanyna kúrdeli jáne aǵymdaǵy jóndeý júrgizýge 11,2 mlrd teńge baǵyttaldy. Kompıýterlik tehnıkany satyp alý jáne kitap qoryn jańartý boıynsha keshendi jumystar júrgizildi», - dedi oblys basshysy.
Oblystyq bilim basqarmasynyń basshysy Záýre Báımenova 2020 jyly atqarylǵan jumystar týraly baıandady. Bıyl bilim nysandarynyń materıaldyq-tehnıkalyq bazasyn nyǵaıtýǵa basymdyq berilgen.
Áýlıekól aýdanynyń Amanqaraǵaı aýylynda memlekettik tilde oqytatyn 320 oryndyq jańa mektep ashylsa, jyl aıaǵyna deıin Qostanaı qalasyndaǵy «ıÝbıleınyı» shaǵyn aýdanynda memlekettik jáne orys tilinde oqytatyn taǵy bir 1200 oryndyq mektep paıdalanýǵa beriledi.
«Apatty jaǵdaıdaǵy mektepter máselesi sheshildi. Bıyl jalpy somasy 8,5 mlrd teńgege 30 bilim berý nysany kúrdeli jóndeýden ótti, bul ótken jylǵy qarajat kóleminen úsh ese artyq. Byltyr 2,7 mlrd teńgege 21 nysan retke keltirildi. 2021 jyly Qarabalyq aýdanynda 320 oryndyq orta mekteptiń qurylysy bastalady. Dál osyndaı joba Qostanaı qalasynyń «Bereke» jáne «Qonaı» shaǵynaýdanynda jalǵasady», - dedi basqarma basshysy.
Keńes qorytyndysynda Arhımed Muhambetov aýdan ákimderi men basqarma basshylaryna bilim berý jáne ǵylymdy damytýdyń 2020-2025 jyldarǵa arnalǵan memlekettik baǵdarlamasyn iske asyrý jumysyn aıryqsha qadaǵalaýdy tapsyrdy.
