Qostanaı oblysynda «Anyqtamasyz qyzmet» jobasy iske qosyldy
Bul týraly Qarabalyq aýdanynda ótken jıynda vedomstvo basshysynyń orynbasary Ashan Eskendirov málim etti dep habarlaıdy QazAqparat.
Elbasy tapsyrmasyna sáıkes, elimizde ár salanyń ilgerileýin jedeldetetin Tsıfrlyq Qazaqstan baǵdarlamasy qolǵa alynǵan edi. Qazirdiń ózinde mardymdy jetistikter mamandardyń jumysyn birshama jeńildetken. Solardyń biri – qaǵazbastylyqty azaıtý.
Oblystyq memlekettik qyzmet isteri departamenti basshysynyń orynbasary Ashan Eskendirovtiń aıtýynsha, organdarda halyqtyń ózine-ózi qyzmet kórsetý buryshtary kóptep ashylýy tıis.
«Osyǵan baılanysty departament «Digital chesk» chellendjin bastaıdy, ıaǵnı turǵyndar tsıfrlyq bilimin paıdalana otyryp, eń tanymal degen 3 anyqtamany ózdigimen daıyndaıdy. Bul rette oǵan úshinshi tulǵa kómektespeıdi. Búgingi tańda reestrde 60-qa jýyq túrli anyqtama, úzindiler jáne basqa organdarǵa rastaý aqparatyn beretin qujattar bar. Olardy daıyndaý úshin kóp ýaqyt jumsalady. Sondyqtan birneshe qyzmet reestrden alynyp tastalady», - deıdi A.Eskendirov.
Máselen, sáýir aıyndaǵy túzetýler boıynsha, turǵyn úı týraly anyqtama tirkeýden alynyp tastalǵan.