Qostanaı oblysynda anyqtalǵan eki adam koronavırýsty qalaı juqtyrǵan
QOSTANAI. QazAqparat – Qostanaı oblysynyń Jitiqara qalasynda koronavırýstyq ınfektsııanyń 2 jaǵdaıy tirkeldi, dep habarlaıdy QazAqparat Tótenshe jaǵdaıdy qamtamasyz etý jónindegi Memlekettik komıssııanyń jedel shtabyna silteme jasap.
«14.04.2020 jyly pnevmonııamen aýyratyn adamdardyń zerthanalyq tekserý nátıjeleri boıynsha eki patsıentte COVID-19 oń nátıje berdi.
Jitiqara qalasynyń aýrýhanasyna dene qyzýy joǵary, álsizdigi, entigýi bar 74 jáne 65 jastaǵy qart adamdar jetkizildi. PTR dıagnostıkalyq zertteýiniń nátıjeleri boıynsha olardan COVID-19 dıagnozy rastaldy», - delingen shtabtyń aqparatynda.
Qazir dárigerler bekitilgen hattamaǵa sáıkes tıisti emdeý sharalaryn júrgizedi. Naýqastarmen baılanysta bolǵan adamdar anyqtalyp, barlyǵy medıtsınalyq baqylaýǵa alyndy.
Jalpy Qostanaı oblysynda COVID-19 ınfektsııamen barlyǵy 5 adam tirkeldi. Epıdemııaǵa qarsy is-sharalar jalǵasýda.
