Qostanaı oblysynda ambýlatorııalyq emdeýge 5,8 mlrd teńge bólindi
QOSTANAI. QazAqparat – Oblystaǵy emdeý mekemeleriniń dári-dármekpen qamtylý jaǵdaıy jóninde oblystyq densaýlyq saqtaý basqarmasynyń basshysy Vıacheslav Dýdnık barlyq deńgeıdegi ákimdermen ótken keńeıtilgen májiliste málimdedi, dep habarlaıdy QazAqparat.
Óńirimizde jyl saıyn densaýlyq saqtaý salasyna bólinetin qarajattyń 10% dári-dármekpen qamtamasyz etýge jumsalady. Bıyl osy maqsatqa 6,9 mlrd teńge bólingen, onyń 6,6 mlrd teńgesi – respýblıkalyq bıýdjet esebinen. Memleket qazynasynan bólingen soma bekitilgen erejege sáıkes aýrýdyń 45 (týberkýlez, VICh-ınfektsııa, qant dıabeti, qan aınalym júıesi, psıhıkalyq, onkologııalyq aýrýlar, epılepsııa, gemofılııa, ishki aǵzany aýystyrǵannan keıingi jaǵdaı, V jáne S juqpaly gepatıti t.b.) túri men turǵyndar arasyndaǵy ımmýndy sharalardyń 17 túrine (qyzamyq, qyzylsha, týberkýlez, kókjótel, dıfterııa, polıomıelıt jáne t.b.) baǵyttalady.
«Jyldyń alǵashqy toǵyz aıynda 79 myń adamǵa 358 myń retsept boıynsha qyzmet kórsetildi. Oǵan 3,5 mlrd teńge jumsaldy. Bul ótken jylǵy merzimmen salystyrǵanda 10 paıyzǵa artyq. Qant dıabeti, arterıaldy gıpertenzııa, sozylmaly júrek soǵysynyń jetkiliksizdigi qatarly sozylmaly aýrýlar qatary artyp keledi», - dedi V.Dýdnık.
Basqarma basshysynyń sózinshe, arterıaldy gıpertenzııamen qaralǵandar sany – 47 myń, ár patsıentke ketetin shyǵyn – 10 myń. Júrek ıshemııasymen aýyrǵandar sany – 12,5 myń, ár adamǵa jumsalatyn shyǵyn – 6 myń teńge. 3,5 myń turǵyn sozylmaly júrek soǵysynyń jetkiliksizdiginen em qabyldaǵan. Ár qaralýshyǵa 4 myń teńge jumsalady.
«Densaýlyq saqtaý salasyn tsıfrlandyrý maqsatynda jańa jyldan bastap retsept aınalymy qaǵazbastylyqtan qutylady. ıAǵnı, preparat jazdyrý úshin tek jeke kýálik kerek. Sondaı-aq, 2020 jyldan bastap medıtsınalyq saqtandyrýdyń engizilýimen tegin dári-dármek kólemin ulǵaıtý kózdelgen. Ásirese, 18 jasqa tolmaǵandardyń tegin dárilerine aıryqsha mán berilmek. Aldaǵy jylǵa 900 túrli tegin dáriniń tizimi mınıstrlikte bekitildi. Qazirgi tańda dárilerdi satyp alý jumystary bastaldy. Tizimdegi 900 dáriniń 590-y otandyq farmatsevtıkalyq óndirýshilerden alynady», - dedi basqarma basshysy.
Bizdiń óńirimiz aldaǵy jylǵa ambýlatorııalyq emdeýge 5,8 mlrd, vaktsınaǵa 1,1 mlrd, statsıonarlyq qamtamasyz etýge 3,9 mlrd teńgeniń dárilerine tapsyrys berilipti.
