Qostanaı oblysynda «altyn» jastar izdestirilýde
ASTANA. QazAqparat - Qostanaı oblysynda «Jastardyń altyn kitabyna» engisi keletin jastardan ótinishterdi qabyldaý bastaldy. Bul týraly jýrnalıstermen ótken baspasóz máslıhatynda «Nur Otan» partııasy janyndaǵy «Jas otan» jastar qanaty oblystyq fılıalynyń tóraǵasy Erlan Tóletaev habarlady, dep habarlaıdy QazAqparat kostanaytany.kz saıtyna silteme jasap.
Jastardyń qurmet kitabyna ený úshin úmitkerlerdiń jas mólsheri 14-29 aralyǵynda bolýy shart. Barlyq ótinishter 25 qazanǵa deıin joldanýy tıis.
«Jastardyń altyn kitabyna ený úshin úmitkerler ótinishpen qosa, ózderiniń belgili bir sala boıynsha jetken jetistikteri jaıly maǵlumattar berýi tıis. Jáne de ol bizdiń oblystyń turǵyny bolýy kerek. Keıin arnaıy qurylǵan komıssııa barlyq úmitkerdiń arasynan on adamdy iriktep alady», - deıdi Erlan Tóletaev.
Bıylǵy jyldyń taǵy bir ereksheligi - «oblys jastarynyń Altyn kitaby» laýreattarynyń klýby qurylmaq. Bul jastardyń erikti birlestigi bolmaq. Onda esimi qurmettelgen jandar óńirde qalyptasqan problemalardy birlesip talqylap, túrli máselelerdi sheshýde tıisti bastamalar kótere alady.
«Keıde «Jastardyń altyn kitabyna» esimderi belgisiz adamdar kirip ketken dep synap jatady. Menińshe, bul durys emes. Ár salanyń myqty maıtalmandary bar. Olar óz isterine jaýapty. Bylaıǵy jurt olardy bile bermeýi múmkin. Erlik bir kúnde jasalmaıdy. Aty atalǵan kitapta jýrnalıstıka, sport, bilim men ǵylym, mádenıet, densaýlyq tárizdi atalym kóp. Keı jyldary olardyń birqatary alynyp tastalady. Bir jyl ótkende olar bul ataqqa qaıta oralýy múmkin», - deıdi oblystyq jastar isi jónindegi basqarma basshysy Kenesh Álimjanov.
Aıta keteıik, Qostanaıda «Jastardyń altyn kitaby» 2005 jyly jaryq kórgen bolatyn. 2010 jyly kitaptyń birinshi tomy aıaqtaldy. Qazir ekinshi tomy bar. Osy ýaqyt aralyǵynda «Altyn kitapqa barlyǵy 184 laýreat engizilgen.
