Qostanaı oblysynda aqparattyq-týrıstik portal iske qosylady
QOSTANAI. QazAqparat - Qostanaı oblysynyń týrıstik áleýetin damytý úshin aqparattyq-týrıstik portal jasalmaq, dep habarlaıdy QazAqparat tilshisi.
Osyǵan deıin Qostanaıdyń týrıstik baǵyttaryn kórsetý maqsatynda 2018-2022 jyldardy qamtıtyn jospar usynylǵanyn habarlaǵan bolatynbyz.
Atalǵan jospar boıynsha, marketıngtik zertteý jumysy júrgizildi. Belgili bolǵandaı, respondentterdiń kóbi Qostanaı oblysy týraly kóp málimetterdi bile bermeıdi.
«Biz kóptegen týrıstermen sóılestik. Olardyń aıtýynsha, ǵalamtorda Qostanaı oblysynyń týrıstik áleýeti týraly materıaldar joqy. Al BAQ Qostanaıdy agrarly aımaq retinde kóbirek nasıhattaıdy», - deıdi joba jetekshisi Evgenıı Fıks.
Mine, osy olqylyqtardyń ornyn toltyrý úshin Qostanaı oblysynyń aqparattyq-týrıstik portaly iske qosylady.
«Óńirdiń kórneki oryndary týraly ınteraktıvti onlaın-ekskýrsııalar uıymdastyrý josparlanǵan. Bul rette SMM-marketıng, jarnama, vıdeokontent sııaqty tetikterdi paıdalanatyn bolamyz», - dedi Fıks.
