Qostanaı oblysynda 96 adam aýrýhana karantıninde jatyr
QOSTANAI. QazAqparat – Qostanaı oblysyn 1517 adam úı karantınine jabyldy, dep habarlaıdy QazAqparat oblys ákimdigi janyndaǵy arnaıy shtabqa silteme jasap.
Búgingi málimetke súıensek, Qostanaı oblysynda 96 adam aýrýhanaǵa jatqyzyldy,úı karantıninde 1517 adam bar. Sanıtarlyq beketterde 7247 avtokólik jáne 12482 adam tekserilgen. Júrgizýshiler men jolaýshylar tarapynan beketterdiń jumysyna shaǵym túspegen.
Oblystyq polıtsııa departamentiniń habarlaýynsha, 12 sáýirde blokposttar arqyly 1028 avtokólik tekserilgen. 5 avtomobıl óńirge kirgizilmedi. Al 335 avtokólik tranzıt arqyly ótti. Blokposttarda 165 polıtseı, 49 Qorǵanys mınıstrliginiń áskerı qyzmetshisi, 65 medıtsına qyzmetkeri, 3 ákimdik ókili, 11 veterınarııa qyzmetkeri kezekshilik atqarady.
«Ótken táýilikte 7 adam TJ rejımin buzǵan. Sonymen qatar úı karantıninde jatqan 5 adam syrtqa shyǵyp ketken. Tótenshe jaǵdaı engizilgen merzimnen bastap polıtsııa qyzmetkerleri 388 adamdy ákimshilik jaýapkershilikke tartty. Sot 227 ákimshilik materıaldy qaraldy. Onyń ishinde 28 adamǵa eskertý jarııalandy. Tártip saqshylary 168 ákimshilik aıyppul hattamasyn toltyrd», - delingen polıtsııa aqparatynda.
