Qostanaı oblysynda 90-nan astam statsıonarlyq jáne jyljymaly egý pýnkti jumys isteıdi

QOSTANAI. QazAqparat - Qostanaı oblysynda 31 medıtsınalyq uıym men 93 statsıonarlyq jáne jyljymaly egý pýnktinde koronavırýs ınfektsııasyna qarsy ekpe jasaýǵa bolady. Bul týraly oblys ákimi Arhımed Muhambetov óziniń Instagram paraqshasynda jazdy, dep habarlaıdy QazAqparat.

Búgin Arhımed Muhambetov Qostanaı qalasynyń №4 emhanasyna bardy.

«Búgingi tańda Covid-19-ǵa qarsy vaktsınalaý belsendi júrgizilip jatyr. Vaktsınalaýdyń bastapqy jáne qaıtalama kezeńderine arnalǵan kabınetter jumys isteıtin 31 medıtsınalyq uıym (onyń ishinde 5 jeke) qyzmet kórsetedi. Medıtsınalyq uıymdarda úlken ujymdarǵa arnalǵan kóshpeli vaktsınalaý brıgadalary qarastyrylǵan. Vaktsınany 93 statsıonarlyq jáne jyljymaly egý pýnktteri júrgizedi. Olardyń sanyn 150-ge deıin kóbeıtýge rezerv bar», - dedi aımaq basshysy.

Sondaı-aq adamdar kóp jınalatyn jerlerde vaktsınalaý júrgizý úshin emhanalarmen qatar «Kostanay Rlaza» saýda-oıyn-saýyq ortalyǵynda, «City Kostanai» bıznes-ortalyǵynda, «Emshan» saýda ortalyǵynda, «Astyqjan» sýpermarketinde (Abaı dańǵyly 1B), sondaı-aq Rýdnyı qalasynda, «TsÝM» saýda ortalyǵynda jeke egý kabınetteri ashyldy.

«Búgingi tańda oblysqa «Spýtnık V« vaktsınasynyń birinshi komponentiniń 59 myń dozasy jáne ekinshi komponentiniń 24 myń dozasy, sondaı-aq «QazVac« vaktsınasynyń 2 myń dozasy jetkizildi. Alǵashqy bolyp 42 myńnan astam adam aldy. Ekinshi komponentti 10 myńnan astam adam aldy»,- dep qorytyndylady ol.